На барање на милиони корисници Microsoft ќе го врати Start менито во Windows. Новото мени ќе биде хибрид од Windows 7 и Windows 8, со мени како на „седмицата“, но и дополнителни live tiles на десна страна од лентата, вели Microsoft.
Заедно со ова ќе биде интегриран и нов мод на работа кој ќе овозможи новите апликации од Windows Store да работат во сопствени прозорци во Windows 8.1. Освен ова најавено е дека во Windows се враќа работата со глувче и тастатура. Сите на кои им се допаѓа сегашниот изглед на оперативниот систем ќе можат да го задржат, велат од Microsoft. Најавените промени нема да дојдат набрзо, туку во некоја подалечна надградба на оперативниот систем или во Windows 9, јави Verge.
[youtube]QKTlOYjmiZo[/youtube]
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
