Контреверзниот основач на сега-изгасениот Мegaupload дрско го објави својот нов проект Me.ga, заедно со плановите како да избегне гасење на доменот, иако во исто време е обвинет од САД дека злоупотребил авторски права во вредност од неколку стотици милиони долари.
Ким Дотком го најави стартувањето на Me.ga за 19-ти јануари 2013-та година. Овој проект ќе биде нов сајт за споделување на содржина, но за разлика од Megaupload, Ме.ga ќе енкриптира податоци за да ја зачува приватноста на пиратите.
ANNOUNCEMENT: The new #Mega domain is me.ga – Check it out. RT!!
— Kim Dotcom (@KimDotcom) November 1, 2012
Ветувањето е дека „клучот што ќе закачите на облакот, зависи од вас, не од нас“. Me.ga ќе има има онлајн Mega Manager, не посебна апликација која мора да се инсталира на десктоп, за полесно закачување и симнување на софржина.
Ким Дотком, германски граѓанин кој живее во Нов Зеланд, сè уште чека судење за дали ќе биде екстрадиран во САД каде ќе му се суди за онлајн пиратерија, измама и перење пари. Но, тоа судење нема да влијае врз новиот Me.ga.
„Новиот Me.ga ќе избегне било каква работа со американските хостинг компании, домени и интернет провајдери, и е променет на начин да избегне било какво гасење.“, вели Дотком.