Иновацијата речиси секогаш доаѓа како последица на проблемите кои ги гледаме или доживуваме секој ден. Пред неколку години проблемите од секојдневието им помогнаа на неколку девојки да го засакаат инженерството.
Бездомниците од Сан Фернандо се „инспирација“ на 12 тинејџерки за креирање на првиот соларен шатор. Шаторот треба да им помогне на бездомниците да имаат барем малку подобри услови за живот.
Проблемот со бездомници во Лос Анџелес е се поизразен. Даниела Орозко и Вероника Гонзалез секој ден додека оделе на училиште се среќавале со проблемите на бездомниците. Бидејќи и самите доаѓаат од сиромашна средина, не можеле финансиски да им помогнат. Сепак сакале да им обезбедат и нешто поинакво од финансии, пренесе Mashable.
So awesome to see two of our DIY Girls alumni teaching 5th grade girls in our first creative electronics session at Sara Coughlin Elementary! The girls were eager to get started on their first project creating an LED card and constructing a simple circuit. pic.twitter.com/JD5MlnMuWp
— DIY Girls (@DIYGirls) January 11, 2019
Со помош на 10 соученички и успеале да дизајнираат шатор со соларни панели кои може да се спакува во ранец и лесно да се транспортира. Со помош на Google и YouTube започнале да работат на својата замисла. Иако никогаш претходно не шиеле, лемеле, програмирале или користеле 3д-принтер, набрзина ги научиле овие работи. Набрзо добиле и покана да се приклучат на непрофитната организација DIY Girls. Во 2016 година за овој проект добиле и грант од 10 000 долари од Lamelson програмата на MIT. Со работа 6 дена во неделата и користење на секој момент од слободното време тие успеаја да направат прототип.
Во ригорозните тестови за квалитет набрзина во целост го уништиле првиот прототип. И почнале одново. Направиле втор прототип и продолжиле да го развиваат решението. Со помош на дополнителни 15 000 долари тимот отиде на MIT универзитетот и таму го изработи финалното, или барем сегашното решение на шаторот.
DIY Girls е организација која на девојките кои доаѓаат од посиромашни средини им помага со техничко образование. Овие девојки често доаѓаат од латино семејства, а таму кариера во технички струки често не е опција за девојките. Само 6%о од жените научници и инженери доаѓаат од овие култури. Од 2012 година DIY Girls успеа да допре до над 2000 девојчиња кои имаа интерес за инженерство и иновации.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
