Ludum Dare го закажа следниот натпревар за периодот од 5 до 8 декември. Станува збор за 72-часовен гејминг хакатлон на кој забрзано се креираат видеоигри на зададена тема. Станува збор за онлајн натпревар кој е организиран од заедница на развивачи која „се прослави“ токму со организирањето на овој Game Jam. Натпреварот се организира три пати во годината, а натпреварувачите во текот на креирањето на својата игра креираат и повеќе скриншоти кои потоа ги спојуваат во time-lapse видео.
Оваа година во април за прв пат натпреварот се одржа и во Скопје. Тогаш ентузијастите од Скопје се собраа во хаклабот Кика и во 48 часа ги креираа своите игри. Засега нема најава за одржување на Ludum Dare во Скопје, но сè уште е рано. Доколку има интерес можно е да се организира и во Скопје, вели Кристијан Трајковски од Dark-1 еден од арганизаторите на настанот во април.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
