Овој викенд во Флорида се одржа еден од најинтресните натпревар во полето на роботиката, DARPA Robotics Challenge Trial, на кој 16 тима од целиот свет одговараа на предизвиците преку кои го демонстрираа нивото до кое е стигната роботиката. Задачите кои се натпреваруваа роботите беа најразлични, од управување со возило, движење по различен терен, качување на скали, отстранување на урнатини до влегување низ различни типови на врати, сечење и отстранување на делови од ѕид, затворање на вентили, симулирање на гасење на пожар.
Осум од овие тимови влегоа во финалето во кое ќе се натпреваруваат за главната награда, два милиони долари. Очекуван победник на квалификациите е HRP-2 од Schaft кој од неодамна се во сопственост на Google, кој уште пред натпреварот објави видео на кое нивниот робот ги поминува сите предвидени препреки. Покрај нив во втората фаза се квалификуваа и проектите на Florida Institute for Human and Machine Cognition, Carnegie-Mellon CHIMP, MIT, NASA Jet Propulsion Labs, Lockheed Martin, Worcester Polytechnic Institute и TRACLabs.
[youtube]b6UzI7MyqvU[/youtube]
