Иднината е тука! Google од следниот месец ќе му биде конкурент на Uber

во Свет

По се изгледа Google ќе биде првата компанијата која ќе понуди превоз со автономни возила.

Waymo одделот на Alphabet кој излезе од компанијата со ребрендирањето ќе го лансира сервисот за неколку недели. Превозникот ќе доаѓа со нов бренд и ќе биде конкурент на Uber и Lyft. Секако ќе им бидат конкуренти и на сите такси превозници.

Името и официјалното лансирање е тајна и засега, дури и анонимниот извор на Bloomberg не го откри ова.

Во почетокот превозот ќе биде достапен во Феникс, Аризона. Ова секако не е изненадување, Waymo околу година тестира транспорт на патници со автономни возила во овој град. Компанијата тестираше со околу 400 семејства со автомобили Chrysler Pacifica, секако возилата доаѓаа опремени со технологијата од Google.

Иако во возилата нема да има возач, секое од возилата има оператор кој може да преземе контрола и да управува со возилото доколку се појави ваква потреба.

Ќе биде навистина интересно да се види каква реакција ќе има од такси превозниците. Досега не беа задоволни од конкуренцијата од Uber, но се чини дека Google ќе им биде уште поголем проблем.

Добивај известувања
Извести ме за
guest
0 Коментари
Inline Feedbacks
View all comments