Hewlett-Packard и официјално објави дека се дели на два дела. Едниот HP Inc. ќе биде задолжен за персонални компјутери и принтери, а вториот дел Hewlett-Packard Enterprise ќе биде задолжен за останатите бизнис услуги како сервери и „storage“ и слично, јави Wall Street Journal.
Иако делењето на Hewlett-Packard се случи деновиве, сепак веста е доста стара. Првите шпекулации се појавија уште во 2011 година кога за прв пат официјално Hewlett-Packard проговори за можност разделување од PC бизнисот. Причината за оваа поделба е што компанијата долго време беше лидер во продажбата на персонални компјутери, но минатата година овој примат им беше одземен од Lenovo. Целта зад поделбата е иста што ја имаат и eBay и PayPal, а тоа е секој оддел да има поголем фокус на работите и побрзо да може да конкурира на пазарот.
Hewlett-Packard е основана од Бил Хјуи и Дејв Пакард во 1935 година, а нивното основање и почетоци во мала гража и почетна инвестиција од 538 долари во Пало Алто, е една од легендите и најмотивирачките приказни од Силициумската Долина.
[youtube]hLORM1TcE1A[/youtube]
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
[…] За разлика од Dell кој сите функции на компанијата ги спојува во една суперкомпанија, нивниот традиционално најголем конкурент HP се подели на две нови компании. […]