На почетокот од оваа година, Google лансираше веб сајт на кој може да се најде секое издание од списанието Think Quarterly, како и видео платформата Think Voices. Тимот кој стои зад проектот Think With Google, стартуваше нов проект наречен Think Insights, кој ќе претставува центар за најновите потрошувачки трендови, разни истражувања на пазари и маркетинг информации.
Think Insights ќе вклучува статистики, голем број на алатки за истражување, факти, инфографици, видеа, презентации и многу други информации кои ќе им користат на маркетарите. Една од најистакнатите опции на Think Insights e алатката Real Time Insights Finder, која овозможува во реално време да се откриваат најновите трендови во одредена област.
Проектот исто така вклучува и голема библиотека во која може да се најдат истражувања и студии од глобални брендови. Веб сајтот исто така има алатка наречена Out Mobile Planet, која овозможува да се октријат најновите информации од мобилната индустрија и нејзиниот развој, додека опцијата Thinking Ahead нуди информации за идните трендови.
Think Insight има уште многу други опции и мора да се посети за да се доживее обемноста на проектот. Благодарение на убаво дефинираните категори веб сајтот е прегледен и лесен за употреба. Think Insight претставува рај за оние кои што се вклучени во интернет маркетингот, меѓутоа сигурен сум ќе им се допадне и на сите што сакаат да бидат во тек со најновите трендови.
