Google работи на нов оперативен систем, кој нема да се базира на Linux. Името кое компанијата барем засега го користи е Fuchsia.
Досегашните оперативни системи, Android и Chrome OS се базирани на Linux kernel. Новиот доаѓа со нов Magenta kernel.
Можеби најголемата мистерија е за што всушност ќе биде наменет новиот оперативен систем. Шпекулациите кои веќе на големо се започнати велат дека Fuchsia ќе ги спои Chrome и Android во еден оперативен систем.
Други шекулации велат дека ќе биде наменет за интернет на нештата. Трети дека ќе биде наменет за интерфејс со проширена реалност.
Единствен релевантен податок доаѓа од Тревис Гиселбрехт од Google кој вели дека Fuchsia ќе биде достапна и на Raspberry Pi 3. Ова би можело да значи дека оперативниот систем ќе биде наменет за сè, командни табли за автомобили, до телефони и таблет компјутери.
Ако ве интересира како изгледа кодот на Fuchsia, можете да го разгледате на Google Git или на GitHub.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
