Автономните автомобили ќе го напуштат Google. Холдинг компанијата Alphabet ќе ги извади автомобилите од портфолиото на Google и ќе креира нова компанија Waymo LLC. Со ова автономните возила стануваат посебен бизнис, а компанијата наскоро можеби и ќе започне со посериозно производство, јави Wall Street Journal.
Директор на Waymo ќе биде Џон Кафик кој и досега беше човекот задолжен за автономните возила.
Она што може да се заклучи е дека Alphabet смета дека технологијата е готова и наскоро ќе може да излезе со готови возила. Ова може и да значи дека Google верува дека се спремни и за заработка од оваа новокомпонирана индустрија.
Она пто е интересно е дека како и останатите компании и Google смета дека автономните возила се најпогодни за сервиси за споделување на превоз, транспортна логистика и за превоз со камиони. Дополнително Google е подготвен и да ја лиценцира компанијата на производители на автомобили, од што можеби и ќе ја добијат првата посериозна заработка. Се разбира ова може да значи и дека Google воопшто нема да произведува возила, туку единствено ќе работи на технологијата зад флотите.
Google работи и на пикап камион кој ќе може самостојно да вози. Автономните камиончиња се можност за Alphabet да започне технологија за транспорт. Компанијата овие возила (Chrysler Pacifica) започна да ги тестира во мај, но досега нема официјална најава од Google, јави USA Today.
#Waymo completed the world’s first fully self-driving ride on public roads in 2015. This is just the beginning. #hellowaymo #selfdrivingcar pic.twitter.com/i3BOzXh5EQ
— Waymo (@Waymo) December 13, 2016
Најверојатно најголемиот проблем за компанијата ќе бидат законите, кои засега не дозволуваат автономни возила. Сите возила од производителите мора да имаат простор за возач и можност за негово влијание. Google издава и месечен извештај за незгодите на патот на автомните возила, и барем засега овие возила се побезбедни од возилата кои ги управуваат луѓе, а досега возилата поминале над 2 милиони километри.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
[…] Honda е во преговори со Alphabet (поранешен Google Inc.) за имплементација на технологија за автономни возила која е развиена од страна на инжинерите на Google Alphabet. Alphabet неодамна од одделот за развој на паметни возила креираше посебна компанија – Waymo. […]