Оracle нема да добие оштета од една милијарди долари бидејќи судот од Калифорнија пресуди во корист на Google, велејќи дека API-јата на програмскиот јазик Java кои ги користеше Google за Android не можат да се заштитат со авторски права.
Oracle во својата тужба вели дека Google морал да плати лиценца за користење на Java API-ја. Но, според судот, 37-те API интерфејси на Java кои ги користи Google за Android се 97 отсто преработени и се водат како слободно користење. Google не морал да побара дозвола од Оracle, ниту пак од Sun Microsystems (креатор на Java кој беше купен од Oracle).
„Ако го прифатиме тврдењето на Oracle тогаш ќе дозволиме на билокој да си заштити една верзија на код кој спроведува одредени команди и од тука да им забрани на другите да напишат нивна различна верзија на кодот кој ги спроведува сите или дел од тие команди.“, вели судијата Вилијам Алсуп кој има и претходно програмерско познавање.
Но, тој додаде и дека ова не значи дека Java e слободна за секој да ја користи, туку Google ги користел деловите кои се бесплатни и за кои не треба лиценца. За Google оваа одлука е добредојдена бидејќи го отстранува притисокот да плаќаат за Android кој веќе се користи на над 300 милиони паметни телефони. За Oracle битката не е завршена. Вели ќе поднесе жалба против одлуката.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
