Германската полиција организира рација, во која над 400 полицајци влегоа во домовите на германците кои беа осомничени за илегално споделување на музика и филмови. Цел на претрес беа 121 стан низ државата, извести канцеларијата на Јавниот обвинител од Келн.
Рацијата на 4 ноември е дел од поосежна акција која има за цел да стави крај на пиратството во Германија. Фокус на оваа рација се членовите на форумот Boerse.bz, а обвинителот тврди дека членовите споделувале од е-книги до филмови и музика. Дел од уапсените се согласиле на соработка со полицијата.
„Обвинението е за подолг временски период, а осмничените споделувале филмови, музика, софтвер и е-книги преку различни сервиси за хостирање и преку форумот boerse.bz“, велат од канцеларијата на јавниот обвинител.
Но, како што известува TorrentFreak, Boerse.bz и другиот торент сајт кој беше претходна мета на полицијата, Kinox.to, се уште се онлајн. Осомничените администратори на сајтовите се во бегство.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
