Samsung ги испрати поканите до медиумите, компанијата најави дека 23 август е дата на која треба да бидете слободни. Без сомневање компанијата ќе го претстави новиот Galaxy Note 8.
Save the date! August 23, 2017 #DoBiggerThingshttps://t.co/uSEvuV1QKN pic.twitter.com/9lbxtDtm0l
— Samsung Electronics (@Samsung) July 20, 2017
Дури ни поканата не остава премногу на фантазијта. Пораката „Прави поголеми работи“ и синото пенкало во анимираната слика секако нема да ве потсетат на премногу други работи. Без сомневање хардверот на телефонот ќе биде најдобриот што е достапен на пазарот. Шпекулациите велат: 6.3-инчен Super AMOLED дисплеј; 6GB RAM; Exynos 8895 или Qualcomm Snapdragon 835 процесор; дуал 12-мегапиксели задна камера, и 3,300 mAh батерија заедно со заштитниот знак, електронското пенкалото S Pen. За точните податоци ќе почекаме до 23 август.
Оваа година компанијата ќе биде пред посериозен предизвик со Note уредите. Samsung никогаш не потфрлил кога хардверот на Note телефоните е во прашање, но последнот уред доживеа фијаско. Батеријата на телефонот се палеше при полнење. Проблемот стана дури и поголем кога и поправените уреди останаа опасни. На крајот компанијата ги повлече телефоните, за оваа година да ги врати во продажба ребрендирани и со заменети батерии.
Дали компанијата ќе успее да ги убеди корисниците да го купат новиот уред? Со оглед на тоа дека дел од корисницните не сакаа да го вратат претходниот телефон кој беше опасен, Samsung нема да има проблем да гу убеди фановите дека Note се враќа.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
