Facebook стартуваше нова апликација за Android и iPhone, Facebook Messenger, која е наменета да биде самостојна апликација за комуникација со пријателите. Messenger може да се преземе од iPhone и Android маркетот. Причината за креирање на самостојна апликација е олеснување на комуникацијата помеѓу корисниците. Ова е прва мобилна апликација на Facebook која е надвор од основната Facebook апликација.
Facebook Messenger ја содржи функционалноста и дизајнот на апликацијата за групни пораки Beluga, која Facebook ја купи во март. Оваа апликација на корисниците ќе им овозможи поединечни или групни разговори, споделување фотографии, а исто така ќе можат и да ја споделат својата моментална локација. Со оваа апликација сите пораки се праќаат и примаат во реално време, и нема потреба од освежување.
Facebook Messenger ќе содржи поедноставена листа на контакти, која ќе овозможи полесно да се одбере личноста која сакате да ја контактирате. Интересната работа со оваа апликација е тоа што можете да пратите порака на било кој од вашата контакт листа, не само на вашите Facebook пријатели. Пораките со оваа апликација се доставуаат со пуш нотификација, а оние корисници кои немаат Facebook Messenger, пораките ги добиваат со СМС, Facebook чет, или Facebook пораки.
Facebook, во соработка со Skype, неодамна се поднови со видео чет, па така можеме да очекуваме дека оваа опција ќе ја сретнеме и во Facebook Messenger.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
ne e los :)
https://www.facebook.com/mobile/messenger
Линкот за Андроид е утнат.
Поправено :)