Zenimax Inc. го доби спорот против Facebook и Oculus пред судот во Далас. Судот одлучи дека Палмер Лаки од Oculus го прекршил NDA договорот кој го имал со компанијата. Најголемата социјална мрежа, која сега е сопственик на Oculus, на издавачот на игрите Elder Scrolls сега треба да му исплати 500 милиони долари.
Сумата од 500 милиони е значителна, но сепак е само дел од вкупните 6 милијарди кој ги бараше Zenimax. За Facebook финансиската загуба е незначителна, но сепак е удар за угледот на компанијата. Одлуката на судот од Далас не влијаеше ниту на акциите на берзата кои пораснаа за 2 отсто.
„Разочарани сме од дел од елементите во пресудата и размислуваме да поднесеме жалба.“, вели портпаролот на Facebook Шерил Санберг за Recode.
Сумата која треба да ја плати Oculus од 500 милиони е поделена на: 200 милиони долари за прекршување на NDA; 50 милиони долари за интелектуална сопственост; Oculus и Лаки треба да платат 50 милиони за лажна ознака; ко-основачот на Oculus, Брендан Ирибе треба да плати 150 милиони долари.
Во тужбата, пред судот во Далас се појави и Марк Закерберг, кој беше распрашуван за пропусти во избрзаното купување на Oculus.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
[…] лут од пресудата која судот ја донесе во корист на ZeniMax. По изречената пресуда, според која Oculus треба да плати […]