Законодавците во Европа се подготвени во септември да предложат предлог закон со кој сите паметни телефони на пазарот ќе мора да може да се полнат со универзален полнач. Одредбата ќе важи за сите производители и за сите 27 држави членки на Унијата.
Во 2019 половина од сите телефони во Европа се полнеле преку USB micro-B, 29% со USB-C, и 21% преку Lightning приклучок, пренесе Yahoo Finance. Ако се усвои законот, сите телефони ќе мора да се полнат со ист полнач, или преку некаков адаптер помеѓу полначот и телефонот.
Овие промени треба да придонесат за намалување на загадувањето со електрична опрема предизвикано со различни полначи. Во прв период ова ќе важи за паметни телефони, но нема да биде никакво изненадување ако во иднина универзалниот полнач се префрли на повеќе различни уреди.
Apple, Samsung, Huawei и Nokia во 2011 потпишаа меморандум за хармонизирање на полначите за новите модели на паметни телефони. Најголем дел од производителите сега се префрлени на USB-C. Сепак ниту 13 години не му беа доволни на Apple да се подготви за единствен полнач за сите паметни телефони. Компанијата направи исчекор со iPad на кој додаде USB-C, но кога iPhone е во прашање полначот не е подготвен.
Законот кој треба да биде претставен пред Европската Комисија ќе треба да биде и изгласан и ратификуван пред да стапи на сила. Секако доколку се усвои законот најпогоден производител ќе биде Apple.
