Естонија во соработка со Garage 48 организира хакатон чија цел е равој на постечките услуги кои ги нуди со e-resident програмата како и развој и креирање на прототип за нови сервиси и услуги. Eстонија неодамна најави услуга дека ќе дели „виртуелно државјанство“ за сите иновативни бизниси и претприемачите кои ќе можат да работат користејќи е-услуги.
Хакатонот ќе трае 48-часа, а ќе се одржи од 11 до 13 септември. Дел од постоечките услуги кои може на учесниците да им послужат и како инспирација се регистрација на компанија за помалку од 20 минути, онлајн пријави за данок, дигитално потпишување на документи, интернет гласање и пристап до финансиски услуги. Целта на хакатонот е дополнителен развој на овие сервиси и креирање на нови, а за оваа потреба Garage 48 ги повикува сите ИТ и мобилни развивачи, UX и UI дизајнери, проект менаџери, маркетинг експерти, претприемачи и визионери.
На главниот настан ќе му претходат два преднастани кои се закажани за 7 август во Талин и на 2 септември во Тарту. Главниот настан и 48 часовниот хакатлон ќе се одржат на островот Вормси.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
