Дознајте што преземате предвреме со Peek!

Avatar img-thumbnail img-circle

во Веб

Кога преземаме работи од одредени сајтови, често се случува да кликнеме на линкот за преземање очекувајќи една работа, а симнувајќи сосема трета. Многу сајтови од сивата страна на интернетот тврдат дека го имаат тоа што го барате, но линкот за преземање или ве води на други сајтови или пак ви дозволува да преземете нешто што има за цел да ја загрози вашата безбедност, така што го инфицира системот со малициозен софтвер.

Peek е корисна мала екстензија која се вдомува во вашиот Google Chrome прелистувач и, секојпат кога сакате да преземете нешто, ви дозволува да ѕирнете во димензијата која се крие зад линкот. На овој начин, прво добивате увид во фајловите, па потоа, доколку сте задоволни од прикажаното, ги преземате. Сè што треба да направите е да застанете со стрелката врз одреден линк и содржината за преземање ќе ви биде прикажана преку дополнителен прозорец. Дури и да немате потреба да преземате нешто, Peek е одлична алатка и за прикажување која страна се наоѓа зад одреден линк. Преку нов прозорец, чија големина целосно се прилагодува, точно можете да видите дали линкот навистина ќе ве одведе на саканата страна.

Со оваа екстензија можете да добиете релативно безбеден увид во бројни податоци, како документи, слики, видео материјали, PDF/ RTF документи, како и да добиете јасна слика за јавно споделените GIF-ови и Google Docs документи.

Имајте предвид, меѓутоа, дека Peek само прикажува содржини и не располага со никакви алгоритми за препознавање малициозен софтвер. Таквото нешто се остава на ваше правилно резонирање и дополнителни безбедносни софтверски решенија.

Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!

basic

членство

42 ден./мес

зачлени се

1337

членство

125 ден./мес

зачлени се
* плаќањето е на годишно ниво

Доколку веќе имаш премиум членство, најави се тука.

Subscribe
Notify of
guest
0 Коментари
Newest
Oldest Most Voted
Inline Feedbacks
View all comments
види ги сите огласи на kariera.it.mk