Од неодамна, првата Diablo игра почна да се продава на GOG. Потегот беше пречекан од носталгичните гејмери со раширени раце и издавачите Blizzard решија да ја прошират понудата. Имено, сите оние кои ќе ја купат Diablo, бесплатно ќе ја добијат и неофицијалната Hellfire експанзија.
На Diablo: Hellfire работеше Synergistic Software студиото. Експанзијата по првпат ја воведува класата Monk, како и бројни екстра квестови, оружја, и зандани. Паралелно со ова, ќе се соочите со нови непријатели и ќе користите целосно нова опрема и оружја. За масовна прифатеност од модерните системи, играта е надополнета со поддршка за висока резолуција, како и други оптимизации кои го прават искуството попријатно.
Моментно, продавницата GOG има распродажба на бројни игри, со длабоки попусти до 90%. Како дел од распродажбата е и Diablo, но само со попуст од 10%. Попустите трајат до 17 јуни, а игрите кои ги купувате тука се без DRM заштити и можат да се играат како било и кога било.
