Апликациите кои се користат како потврда за Ковид-19 имунизација наскоро би можеле да бидат заменети со едноставни картички. Google на блогот за девелопери објави дека Passes API ќе може се користи за чување и пристап до податоците за Ковид вакцинација на Android.
Ова ќе им овозможи на програмерите кои работат во државни агенции или здравствени организации да ја искористат новата функционалност и да креираат дигитални верзии на картичките и тест резултатите.
Дел од податоците кои се дел од картичката се вакцината која ја примил пациентот како и времето на вакцинација. Картичката ќе постои единствено на уредот на кој е преземена, што значи дека ќе мора да се преземе на сите уреди кои корисникот сака да ги користи.
Приватноста на податоците е обезбедена со начинот на кој корисникот одбрал да го заклучи својот телефон. За секој пристап до картичката потребно е да се внесе лозинка, пин или биометриски податок кој се користи за отклучување на телефонот.
„Штом корисникот ја зачува дигиталната верзија на COVID картичката на својот уред, ќе може да пристапи до неа преку шорткат на екранот, дури и кога нема пристап до интернет или на локација на која има послаб интернет. За користење на оваа функционалност ќе биде потребен уред со верзија на 5.0 на Android и Play Protect“, објаснува Ирфан Фајзулабу на блогот на Google.
За почеток функционалноста ќе биде отворена во САД, а потоа ќе биде достапна и во останатите држави.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
[…] post Covid пасошот ќе може … appeared first on […]