Се сеќавате на спајалицата-помошник Clippy која досаѓаше во постарите верзии на Microsoft Office? Можеби сега ќе видиме подобрена верзија на тој асистент. Microsoft тестира интеграција на гласовниот асистент Cortana во програмскиот пакет, и иако Work Assistant за сега е прототип, компанијата планира да ја интегрира Cortana во Office пакетот за сите платформи, извести Verge.
За сега Work Assistant им овозможува на корисниците на Windows Phone поедноставна функционалност на Office пакетот. Доколку се задржи моменталната функционалност, Cortana преку гласовни команди ќе може да отвора фајлови, да ги промени или да ги сподели ако е потребно. Cortana ќе биде потполно интегрирана во Windows 10 и во новиот прелистувач Spartan.
Тоа што ќе биде интересно е да видиме како ова ќе се одрази на Office пакетите на iOS и Android и дали Apple и Google ќе дозволат какво такво појавување на гласовниот асистент на Microsoft на своите платформи. Извори на Мери Џо Фоли од ZDNet, која е добро информирана кога е во прашање Microsoft, велат дека ќе постои каква такава интеграција и за овие платформи, иако, барем засега, нејасно е дали ќе биде Cortana или Work Assistant.
[youtube]Hg8mjR1TCNs[/youtube]
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
