Ладилникот Coolest кој успеа да собере рекордни 13 милиони долари од Kickstarter, е блиску да стане нова краудфандинг катастрофа. Уредот кој освен што е пикник фрижидер е наполнет со куп забавна технологија, се соочи со непредвидени проблеми, а поради доцнењето неколкупати им се извинија на првите инвеститори.
We know you’re frustrated and we want to apologize for the delay. Visit the blog for the full note to backers https://t.co/pRKBg8FItk
— The Coolest Cooler (@Coolest_Cooler) November 23, 2015
Проблемот доаѓа поради штрајк на компанијата која ги произведува електричните мотори што се вградуваат во Coolest. Производителите на фрижидерот веќе ги известија поддржувачите дека работат на договор со нов производител на мотори, но поради ова фрижидерите ќе доцнат. Можеби поголемиот проблем е што производителот дури сега започнува да тестира нови електрични мотори. Сепак ова не е главната причина за нервозата на луѓето кои им ги доверија своите средства. Фрижидерите веќе се достапни на Amazon по цена од 500 долари, иако уште не им се испратени на луѓето кои во рана фаза се одлучија да инвестираат. Од Coolest велат дека имаат договор со Amazon кој мора да биде испочитуван, а средствата од оваа продажба ќе помогнат да ги исполнат своите обврски кон преостанатите поддржувачи.
Примерот на Coolest е одличен показател за проблемите кои треба да се надминат кога краудфандинг е во прашање. Краудфандинг е концепт на кој иновативна идеја се финансира од разновидни корисници на интернет кои добиваат награда според големината на инвестицијата која може да се движи од еден долар до стотици илјади. Најголем дел од проектите на Kickstarter не се од претприемачи кои имаат искуство, туку од луѓе кои имаат кул идеја. Без разлика што Kickstarter во правилата за користење се оградува од одговорност, платформата треба да понесе одговорност за идеи кои прибираат неколку милиони долари. Проблемот може да биде едноставно надминат со подобра селекција на производите или со совети за производителите кои ќе соберат многу повеќе средства отколку што се планирани.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
