Новата надградба на Data Saver функционалноста за Android ќе им овозможи на корисниците да заштедат 70 отсто од мобилниот интернет, вели Google. Заштедата доаѓа поради вградената можност да не се отвораат слики и мултимедија, кога Chrome ќе забележи побавна конекција.
Надградбата треба да помогне да се надмине проблем кој сè уште е актуелен – прегледување по интернет кога мобилниот интернет е бавен. „Откако вебсајтот ќе биде отворен може да одберете да ги отворите сите слики или една под една слика, ова ќе овозможи побрз и поевтин пристап на бавна конекција,“ вели Тал Опенхајмер, инженер на Google.
