BreezoMeter е апликација која ви помага да дознаете каков е квалитетот на воздухот надвор, дури и кога во близина нема мерна станица. Креаторите на апликацијата велат дека истата е поддржана во 67 држави помеѓу кои е и Македонија.
Апликацијата најпрво ги прибира релевантните податоци за загадувањето од блиските мерни станици. Потоа, преку алгоритми го пресметува загадувањето на локацијата на која се наоѓа корисникот. Клучнa за апликацијата е „big-data“ технологијата со која се проценува квалитетот на воздух и на локациите каде нема мерни станици.
Апликацијата вака овозможува брза и едноставна проверка на квалитетот на воздух во реално време. Дополнително, нуди и совети кога загадувањето е превисоко, односно квалитетот на воздух е низок.
Во периодот на празници кој следи, апликацијата ќе ви помогне да одлучите дали е време за прошетка или за седење дома.
BreezoMeter е достапна за Android на GooglePlay и на iOS од App Store.
