Добри вести за сите! Оваа недела конечно ќе се одржи закажаната борбата на џиновски роботи. Роботот изработен од MegaBots на 17 октомври, ќе се пресмета со роботот изработен од Suidobashi.
Ова е прв ваков настан во кој производители од САД и Јапонија ќе се натпреваруваат кој го има најдобриот робот. Засега учествуваат овие два производители, со единствено два роботи. Секако ако има поголем интерес во иднина ќе има и повеќе учесници и повеќе роботи.
Инаку кога димензиите се во прашање навистина станува збор за вистински титани. Американскиот робот Eagle Prime е висок 5 метри и тежок 12 тони. Јапонскиот робот е подеднакво импозантен, Kuratas е висок 4 метри и тежи 6.5 тони. Одговорот на тоа дали поголемиот и потежок робот е подобар избор од полесниот и поагилниот, ќе дознаеме наскоро.
Секако, ваквите борби главно се направени за забава, но и вака можат да придонесат за поголем интерес кај луѓето.
IT'S TIME FOR THE GIANT ROBOT DUEL! #GiantRobotDuel @Twitch pic.twitter.com/yULclspKOi
— MegaBots Inc. (@MegaBots) October 11, 2017
Борбата по македонско време ќе се одржи рано наутро во 4 часот на 18 октомври. Сите кои се заинтересрани ќе можат да го следат настанот во живо преку Twitch.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
