Трепкачка сива лента најгоре на екранот и екран кој не реагира на допир. Ова е најчестата причина за сервисирање на iPhone 6 и iPhone 6 Plus. Причина за проблемот е пропуст во дизајнот. Новите телефони се потенки и пофлексибилни, а областа која е најпогодена од виткањето е местото каде се наоѓаат и контролерите за екранот.
„Тенките тела на телефоните повеќе се виткаат од претходните телефони на Apple. Виткањето е токму околу контролерот за допир. Apple го зајакна телефонот со iPhone 6 и iPhone 6S, па овој пропуст сега е поправен.“, објаснува Џеса Џонс, експерт за микро-лем.
Со оглед на тоа дека стaнува збор за системски превид, очекувано бројот на телефони кој го „посетуваат“ сервисот е огромен. Дел од сервисерите велат дека понекогаш добиваат стотина iPhone-и неделно со истиот пропуст.
„Со текот на времето и со нормална работа, во лежиштето на чипот за контролата на екранот на допир ќе се направи микро-процеп. На почеток нема да изгледа како дефект, потоа екранот нема да реагира, но брзо ќе се враќа назад. Конечно, со проширување на процепот, периодите на нереагирање ќе стануваат почести, сѐ додека не станат и потполно неупотребливи“.
За среќа корисниците можат да го поправат телефонот доколку го однесат на сервис кој ќе постави нови чипови, на место на испуканите.
Проблемот е што корисниците на Apple телефоните, велат дека во продавниците на компаниаата добиваат совети да ја направат поправката на друго место. Најголем дел од iPhone 6 и iPhone 6 Plus телефоните веќе не се под гаранција, па трошоците за поправка во целост паѓаат на сопственикот.
Со оглед на бројот на поправки, а и на цената на телефоните, Apple би морал да го признае пропустот и да признаат дека е грешка во дизајнот, што за нив како компанија ќе резултира во несакани последици.
https://www.youtube.com/watch?v=ZRFV4p3t7Rc
Повеќе податоци за пропустот со екранот на допир може да прочитате на блогот на iFixit.
