Microsoft и Apple тврдат дека нивните две платформи Bing и iMessage не се доволно популарни за да бидат означени како „gatekeeper“ во Европа.
Со Digital Markets Act дел од компаниите ќе бидат идентификувани како „gatekeepers“. Продуктите и сервисите кои се во оваа група се поригорозно надгледувани и правилата кои важат за нивно регулирање се значително построги. Поради ова двете компании во посебни и заеднички обиди се обидуваат да докажат дека не припаѓаат на оваа листа, пренесе Financial Times.
Еден од условите кои треба да ги исполни некоја апликација или сервис за да влезе во оваа категорија е бројот на корисници или удел од пазарот. Сите апликации и сервиси кои имаат годишен обрт од над 7,5 милијарди долари, вредност над 75 милијарди долари и над 45 милиони активни корисници автоматски влегуваат во оваа категорија „gatekeepers“.
Дел од одговорностите за овие компании се споделување на податоците, линкување со конкурентите, но сервисите мора да обезбедат интероперабилност со други слични апликации.
Официјалната листа на „gatekeeper“ компании излегува утре. Досега на листата сигурно се: Apple, Microsoft, Amazon, Alphabet, Meta, ByteDance и Samsung. Она што не е сосем јасно е со кои производи овие компании влегуваат на листата. Секако дел е јасен, на пример продавницата на Amazon, Instagram и Facebook за Meta или TikTok за ByteDance. Microsoft нема намера да се жали на одлуката Windows да биде еден од „чуварите“. Сепак одбива да прифати дека Bing и Google Search треба да имаат исти обврски. Уште повеќе бидејќи како дел од новите правила ќе треба да им овозможат на корисниците избор на дополнителни пребарувачи, во кои ќе биде и Google.
Apple смета дека iMessages иако има огромен удел на iOS сепак е значително мал дел од пазарот. Дополнително компанијата вели дека iMessage нема доволно корисници за да го исполни основниот услов за „gatekeeper“. Сепак Apple нема објавена бројка за бројот на корисници на iMessage, а тешко е да се претпостави дека сопствениците на iPhone користат нешто различно за текст комуникација. Според Financial Times, iMessages може да има и милијарда корисници.
Со оглед на тоа дека официјално ќе ги дознаеме компаниите со „gatekeep“ статус веќе утре, ќе биде интересно да ги видиме нивните реакции.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
