Три британски компании работат на безбедносна технологија која може да ги блокира сензорите на беспилотните летала, а со тоа и да заштити некој регион од љубопитните очи, како и од сите останати непријатности и опасности кои доаѓаат со дроновите. Системот ќе го спречи управувањето со возилата над областа која е заштитена и во вакви случаеви операторот најверојатно ќе помисли дека дронот престанал да функционира и ќе оди да го земе назад. Трите компании кои соработуваат на технологијата се Enterprise Control Systems, Blighter Surveillance Systems и Chess Dynamics.
Системот е наречен Anti-UAV Defense System (Auds), а основните принципи на работа се едноставни. Кога Anti-UAV ќе забележи беспилотно летало над зона за која се забранети летовите ќе го насочи радарот на Auds и термалната камера, и штом леталото биде детектирано, со помош на моќен радио сигнал ќе го онеспособи. „Синалот насочен кон беспилотното летало е моќен – толку моќен што леталото може да го слушне единствено сигналот на Auds,“ објаснува Пол Тејлор од Enterprise Control System за ВВС. Технологијата веќе започнува со тестови, а според информациите првите тестови се започнати во Британија, САД и Франција.
