По САД и Британија кои ги отстранија ZTE и Huawei од можноста за градење на мобилната инфраструктура, истото го направи и Австралија. Австралија им забрани на двете кинески компании да продaваат 5G технологија.
Huawei се најголем производител на телеком опрема. Сепак поради страв од опасност по национална безбедност, неколку држави нема да користат опрема од овој производител. Интересно е што сегашната опрема и опремата од минатите 15 години во мрежата во Австралија доаѓа токму од Huawei.
We have been informed by the Govt that Huawei & ZTE have been banned from providing 5G technology to Australia. This is a extremely disappointing result for consumers. Huawei is a world leader in 5G. Has safely & securely delivered wireless technology in Aust for close to 15 yrs
— Huawei Australia (@HuaweiOZ) August 22, 2018
Стравувањата се дека преку уредите и мрежата на Huawei, Кина ќе може да ги шпионира државите во кои операторот инсталирал опрема. За опасностите на хардвер кој има „заден влез“ објавуваше Едвард Сноуден. Секако доколку кинеските служби успеале да ги натераат производителите или да се инфилтрираат во постројките, опасноста е голема.
Новата 5G технологија треба да ги донесе потребниот проток и стабилност за следната генерација на платформи. Поради овие предности ќе најде поширока примена. Една од технологиите за кои сега наголемо се зборува e како автономните возила се директно зависни од имплементацијата на 5G мрежите. Дополнително, тука се и интернет на нештата, паметните градови, постојана поврзаност, проширената реалност. Поради ова не само Европа, САД и азиските лидери се заинтересирани за што поскоро неодложно имплементирање.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
