Кој знае колку пати до сега сте морале да откуцувате зборови кои не значат ништо само за да му потврдите на сервисот дека сте човек. Кој знае колку пати до сега сте морале да пробувате повторно и повторно бидејќи CAPTCHA-тa ви прикажувала непрепознатливи зборови.
За среќа, Are You Human најде начин како да ги замени досадните CAPTCHA со минијатурни игри. Ако ботовите не можат да препознаат и внесат зборови, тогаш сигурно нема да можат да одиграат игра, нели? Покрај тоа, играње игри е многу покул од куцање рандом зборови.
Нивното решение е алатка за автентичност наречена PlayThru која ја потврдува вашата човечност со едноставна игра, пример, нареди состојки на пица, состави го лицето итн. Алатката може да се интегрира во неколку CMS платформи, како WordPress, Drupal, PHPBB и vBulletin. Скоро 200 сајтови го користат PlayThru, и до сега се процесирала над 2 милиони игри од стартувањето во април 2011-та, вели Are You Human.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
