Од моментот на пишувањето на оваа статија, Appstore брои 24.440.293.543 симнувања на апликации, бројка што во живо се освежува секоја секунда. Тој што ќе ја симне апликацијата број 25.000.000.000 ќе добие награда од 10.000 долари што Apple сигурно може да си ја дозволи затоа што во последната година го има скоро дуплирано бројот на симнати апликации од Appstore за iOS.
Apple откри дека на развивачите на iOS апликации им исплатиле 4 милијарди долари, со тоа што исплатиле 700 милиони во последниот квартал. Аndroid касни со 11 милијарди симнати апликации, бројка која ја постигна минатиот месец, но ги поставува на сигурно второ место.
Во овој период што претставува пресвртница за симнати апликации на iOS мобилната платформа, Apple издаде корисно упатство околу тоа како да создавате апликации за iOS. Упатството е овозможено за сите, не само за тие што развиваат апликации за iOS и го објаснува процесот на издавање апликација на Appstore, од програмирање и развивање, до поставување на Appstore и погрижување вашата апликација да ги почитува стандардите на Apple.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
