Apple, Google, Facebook, Microsoft и Twitter бараат поголема транспарентност кога станува збор за барањата кои пристигаат од Агенцијата за национална безбедност на САД (NSA). На компаниите, кои неодамна беа обвинети дека учествувале во набљудувањето на корисниците преку програмите на NSA, им се придружија голем број организации за заштита на човековите права, и сега заедно бараат сериозно зголемување на транспарентноста кога станува збор за прислушувањето и следењето, известува All Things Digital.
Барањето ќе биде упатено до претседателот Барак Обама и до Конгресот, а ќе се однесува на можноста компаниите да побараат повеќе детали кога од нив се бара да предадат информации со назнака за национална безбедност. До сега наредбите од NSA беа водени како државна тајна, и не смееше да се објавуваат информации за нив. Барањето има три клучни точки, а се однесуваат на можност за објавување на:
- Бројот на барања кои пристигаат од владата.
- Бројот на корисници, профили и уреди за кои се поднесени барања.
- Бројот на барања кои бараат содржина на комуникацијата, основни податоци за претплата и/или останати информации.
„Како што САД се иноватори кога е во прашање Интернет и продуктите и услугите кои се засновани на Интернет, така мора да бидеме иноватори кога се во прашање механизмите кои ќе обезбедат владата да биде транспарентна, одговорна и да ги почитува граѓанските слободи и човековите права.“, гласи пораката која компаниите и граѓаните ја испраќаат до агенциите кои имаат овластување за следење и прислушување.
Потписници на барањето се: AOL, Apple, Digg, Dropbox, Evoca, Facebook, Google, Heyzap, LinkedIn, Meetup, Microsoft, Mozilla, Reddit, salesforce.com, Tumblr, Twitter, Yahoo, You Now, Union Square Ventures, Y Combinator, New Atlantic Ventures, The Electronic Frontier Foundation, Human Rights Watch, The American Civil Liberties Union, The Center for Democracy & Technology, Reporters Committee for Freedom of The Press, Public Knowledge, The Computer & Communications Industry Association, Reporters Without Borders, и The Wikimedia Foundation.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
GDG Skopje 
