По подолго време Apple направи надградба на MacBook Pro компјутерите. Процесорите на компјутерите на надградени на i7 или i9 од 8 генерација.
Новите компјутери ќе доаѓаат со 6-јадрени процесори 32 GB RAМ, True Tone екран и Apple T2 чип, објасни Apple. За жал ова се однесува единствено на MacBook Pro models со Touch Bar. Добра вест е дека со новиот процесор 15-инчниот модел има дури 70% подобри перформанси од моделот со 6 генерација процесор.
Но, процесорот не е единствениот дел кој доживеа надградба. Надградена е и RAM меморијата, па 15-инчниот MacBook Pro сега има простор за 32 GB DDR4. Дискот е импресивни 4TB. Работната фреквенција на најдобрите процесори е 2.9GHz со Turbo Boost до 4.8GHz. Компјутерите доаѓаат со Radeon Pro графички картички. Помалиот 13 инчен модел доаѓа со i5 или i7 процесор од 8 генерација и Iris 655 интегрирана графичка картичка. Дискот на помалиот модел е со максимален капацитет од 2TB.
Но, не останува сѐ на ова. Најголема надградба има цената. Најскапата верзија на 15-инчниот MacBook Pro e 6 700 долари. Основната е нешто, иако не премногу, попристојни 2 400 долари. Цената на основниот модел на MacBook Pro 13 e 1 800 долари.
Ова се првите лаптопи кои поддржуваат гласовни команди за асистентот на Apple, Siri. Сепак најверојатно најдобрата карактеристика на компјутерот е True Tone дисплејот. Технологијата овозможува промена на тонот на боите на екранот, во зависност од температурата на бојата во собата. Освен ова, надградена е и тастатурата на која сега пишувањето ќе биде потивко. Што се однесува на приклучоците тие остануваат исти како и досега, 4 Thunderbolt / USB-C порти и приклучок за слушалки.
Дали супер-скапите модели се исплатливи, ќе морате сами да си одговорите, иако веројатноста дека не ви е потребен компјутер од 7 000 долари за било што е голема.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
