Aпликациите на Google се најпопуларните апликации за iOS уредите, додека пак Facebook е кралот на нивната продавница Google Play, вели анализата на App Annie. Во оваа анализа од февруари 2013-та се прегледувани само апликациите кои не се игри.
Најпопуларни апликаци за iOS се YouTube која до пред една година беше интегрирана во iOS и Google Maps од кои Apple се откажа во замена на свои Apple Мaps. За жал на Apple, нивните мапи се едноставно ужасни, оставајќи му на Google да освојува победа врз конкурентот, иако, интересно, со тоа им понуди подобри услуги на корисниците на конкурентната iOS платформа.
Што се однесува до Andorid, на таа платформа најпопуларни апликации се Facebook, Facebook Messenger и Instagram, следени од двете комуникациски алатки WhatsApp и Skype. Но, не треба да се заборави дека Maps, YouTube и други Google апликации се интегрирани во самата Android платформа.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
