Популарната iOS апликација за цртање, Paper на FiftyThree, доби нова надградба наменета за оние од нас кои се помалку талентирани за цртање. Новите Think Kit можат да ги трансформираат прилично трапавите цртежи во она што најверојатно оригинално сте сакале да го нацртате. Алатката од FiftyThree го користи Intuition енџинот кој помага при цртање на дијаграми или распределби, јави Verge.
„Think Kit алатките се наменети за сите кои често цртаат, но не се уметници и не се чувстуваат пријатно при цртањето. Најчестата забелешка која ја добиваме е не знам да цртам, Paper не е за мене“, велат од Paper. Алатките се своевидна „auto correct“ функција која овозможува на сите корисници да задржат некое артистичко ниво и покрај тоа што можеби моливот често им бега или цртежите не изгледаат најдобро. За сега единствен начин за користење на алатката е со помош на специјалното пенкало.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
