Amazon гo претстави Kindle Cloud Reader кој ќе ви овозможи да читате Kindle книги на вашиот веб прелистувач без разлика дали сте онлајн. Kindle Cloud Reader е апликација направена целосно во HTML5 за која нема потреба од никаква инсталација. Вашата библиотека ќе биде автоматски синхорнизирана со останатите Kindle апликации и уреди. Kindle Cloud Reader моментално е подржан само на Chrome и Safari десктоп прелистувачитешто, како и на Safari на iPad. Amazon најавија дека наскоро Kindle Cloud Reader ќе биде подржан и на останатите веб прелистувачи и платформи.
Вистинската намена на оваа апликација е за Apple уредите, пред се iPad-от. Причина за ова е новото правило на Apple според кое сите развивачи на апликации треба да ги тргнат врските до сајтови каде корисниците можат да купуваат дигитална содржина или да се претплатат, а не мораат да ја делат заработката со Apple, поточно 30% од трансакцијата. Поради ова правило, корисниците кои сакаат да купат книга се приморани секој пат да ја затворат Kindle апликацијата и да отвораат веб прелистувач.
За да почнете да ја користите оваа апликација, најпрво упатете се на веб сајтот http://read.amazon.com, каде ќе треба да се пријавите со вашиот Amazon профил. Откако ќе се пријавите, ќе ви се појави страница која ја вклучува вашата Kindle библиотека со купени книги. Kindle Cloud Reader ви овозможува да преземате книги од вашата библиотека, а исто така автоматски ги складира офлајн книгите кои ги читате во моментот, за да не ви биде прекинато читањето доколку ја изгубите конекцијата.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
