Аdobe раскина со Apple, Microsoft го поддржа HTML5

„Kaко што објавивме мината недела за правните услови кои Apple ги наметнува на девелоперите, ние веќе одлучивме да го преместиме нашиот фокус од Apple уредите за Flash Player и AIR. Ние ќе работиме да го донесеме Flash и AIR до сите други големи учесници во мобилниот екосистем, вклучувајќи го Google, RIM, PALM (наскоро HP), Microsoft, Nokia и други.“ вели г-дин. Линч.

Но Apple не е сам во промоцијата на HTML5. Firefox, Chrome, Opera сите поддржуваат HTML5 видео, а сега и Microsoft отворено најави дека „иднината на интернет е HTML5.“

„Microsoft е актовно инволвиран во HTML5 процесите заедно со W3C. HTML5 ќе стане многу значаен за напредни, богати и интерактивни веб апликации и веб дизајн. HTML5 спецификациите ја објаснуваат видео поддршката без специфицирање на посебен видео формат. Ние мислиме дека H.264 е одличен формат. Во својата HTML5 поддршка, IE9 ќе поддржува само H.264 видео.“ вели генералниот менаџер на Internet Explorer Дејвид Хачамовиќ во блог пост.

Дебатата за нов видео формат продолжува. Во меѓувреме погледнете го интервјуто на WallStreetJournal со директорот на Adobe, Шантану Нарајен.