Штом ќе започне да се продава првин во Русија, а потоа и ширум светот, Samsung Z и официјално ќе стане првиот паметен телефон кој ќе работи на Tizen оперативниот систем. Јужнокорејскиот производител се надева дека Tizen ќе стане конкурентен ОС кој во иднина ќе може да го замени Android на Google, кој е платформа од која зависи успехот на сите Samsung телефони.
Но, Tizen започнува со мали чекори. Првин ќе стартува во Русија, но бидејќи се базира на HTML5 надежите се дека ќе биде поотворен за сите програмери кои ќе можат да развиваат повеќе-платформски апликации. HTML5 е исто основата на неодамна објавениот Mozilla Firefox OS, и може да се користи за апликации на Android и iOS, што значи дека има потенцијал Tizen да привлече значителен број на фанови и девелопери.
Што се однесува до телефонот, Samsung Z има моќни спецификации, како што доликува на уред од Samsung. Има 4,9-инчен HD Super AMOLED екран и 2,3 GHz процесор со четири јадра, 2 GB RAM, има 8 мегапиксели камера, односно 2,1 мегапиксели предна камера и сензор за отпечатоци на прсти кој го има само најновиот Galaxy S5.
[youtube]zgh8DTD67js[/youtube]
