Апелациониот суд во Хаг ја промени одлуката со која интеренет провајдерите беа обврзани на граѓаните на Холандија да им го оневозможат пристапот до контроверзниот торент сајт The Pirate Bay. Оваа одлука на судот доаѓа поради фактот што забраната на еден од најпопуларните торент сајтови се покажа каконедеолотворна кога се во прашање авторските права, јавува BBC.
Новата одлука на судот ќе овозможи провајдерите на интернет услуги да побараат 400.000 евра од Brein (организација која се залага за заштита на авторските права) колку што чинат трошоците за парницата. Ова всушност е победа за провајдерите Ziggo и XS4AII кои тврдеа дека мерката за забрана на The Pirate Bay им оневозможува на граѓаните слободен пристап до информациите.
Одлуката е во согласност за ЕУ регулативата која вели дека непостои можност за забрана на некој сајт единствено што може е провајдерите да забранат пристап до страните на кои има нелегална содржина. Одлуката на Хашкиот апелационен суд може да предизвика преразгледување на одлуките за забрана на повеќе торент сајтови. Дел од британските провајдери веќе разгледуваат како одлуката на Холандскиот суд ќе влијае на Британија.
