Најновиот пакет на Humble Bundle нуди игри, книги и стрипови чија вредност изнесува над 32 000 денари. Но, можете да добиете апсолутно сè од пакетот доколку донирате нешто повеќе од 1000 денари. Вашите пари, меѓутоа, ќе бидат искористени за добротворни цели, односно за справување со проблемите предизвикани од Covid-19 во Индија и Бразил.
Она што добивате преку пакетот Humble Heal: COVID-19 Bundle е над 20 феноменални игри од најразлични жанрови, интересни книги за медитација, позитивно размислување, стрипови, како и неколку програми за оптимизација на вашиот компјутер и управување со фотографии.
Според Humble Bundle, сите пари кои ќе бидат соберени со продавање на пакетот, ќе бидат искористени во следниве добротворни цели: Direct Relief, Doctors Without Borders (MSF), International Medical Corps, и GiveIndia. Моментно, проектот има соберено скоро половина милион евра, а ќе трае уште пет дена.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
