Јапонската компанија Terra Motors објавува дека го креираа првиот електричен мотор за масовно производство. A4000i наликува на мопед, но всушност е „4.500 долари вреден додаток за iPhone“, пишува The Verge.
Моторот A4000i доаѓа со специјален простор на возачката табла во кој може да се смести iPhone. Телефонот и возилото се поврзуваат преку Bluetooth и преку апликација може да се провери колку е полна батеријата и информации за патот, а Terra развива сопствен навигациски софтвер и опција за споделување на GPS податоците преку облак.
Моторот ќе чини 4.500 долари, а пред сè е наменет за пазарот во Азија, иако логиката кажува дека по оваа цена ќе им биде достапен на најбогатите. Можеби најголема предност е обидот на соработка на производителот за дистрибуција на полни батерии. Неколку продавници веќе покажале интерес да бидат локации за размена на празните батерии за полни.
