Nvidia претстави две нови професионални графички картички. Компанијата го одржува вториот GTC настан оваа година. Oвојпат има помалку хардвер, и ако не сте професионалец, помалку инрересен хардвер, но сепак има новитети.
Речиси на самото отворање можеме да ги видиме замените на Quadro RTX 8000, RTX A6000 и A40. RTX А6000 доаѓа со истиот GA102 чип, како и комерцијалните гејминг картички RTX 3080 и 3090.
Во најавата производителот вети дека во некои процеси новите картички се два пати побрзи од актуелните модели. Сепак Nvidia засега не ги претстави перформансите на овие картички; Можно е да се во фаза на доработка, па немаат точни перформанси или намерно не ги објавуваат, велат од AnandTech. Секако ова ќе се промени пред испораката која е најавена за средината на декември.
A40 е речиси идентична картичка со A6000, но со една крупна разлика, доаѓа со пасивно ладење. Ова значи дека и самиот изглед на графичката е значително поинаков. Доаѓа со огромен ладилник преку кој се лади; има мала разлика, но не преголема разлика и во меморијата. Бројот на CUDA и Tensor јадра е ист, а и двете картички се со ист TDP, па очекувањата се и перформансите да бидат речиси идентични.
Цената и точната дата на излегување засега се непознати, иако е тешко да се претпостави дека ќе биде премногу голема разликата со претходникот. Што би значело 9000 и 10 000 долари.
| NVIDIA Professional Visualization Card – Споредба на спецификации | ||||||
| A6000 | A40 | RTX 8000 | GV100 | |||
| CUDA јадра | 10752 | 10752 | 4608 | 5120 | ||
| Tensor јадра | 336 | 336 | 576 | 640 | ||
| Boost Clock | ? | ? | 1770MHz | ~1450MHz | ||
| Memory Clock | 16Gbps GDDR6 | 14.5Gbps GDDR6 | 14Gbps GDDR6 | 1.7Gbps HBM2 | ||
| Memory Bus | 384-бит | 384-бит | 384-бит | 4096-бит | ||
| Видео меморија | 48GB | 48GB | 48GB | 32GB | ||
| ECC | Partial (DRAM) | Partial (DRAM) | Partial (DRAM) | Full | ||
| Half Precision | непознато | непознато | 32.6 TFLOPS | 29.6 TFLOPS | ||
| Single Precision | непознато | непознато | 16.3 TFLOPS | 14.8 TFLOPS | ||
| Tensor перформанси | непознато | непознато | 130.5 TFLOPS | 118.5 TFLOPs (FP16) | ||
| TDP | 300W | 300W | 295W | 250W | ||
| Ладење | Активно | Пасивно | Активно | Активно | ||
| NVLink | 1x NVLink3 112.5GB/sec | 1x NVLink3 112.5GB/sec | 1x NVLInk2 50GB/sec | 2x NVLInk2 100GB/sec | ||
| графички процесор | GA102 | GA102 | TU102 | GV100 | ||
| Архитектура | Ampere | Ampere | Turing | Volta | ||
| Производен процес | Samsung 8nm | Samsung 8nm | TSMC 12nm FFN | TSMC 12nm FFN | ||
| Цена | ? | ? | 10,000 долари | 9,000 долари | ||
| Дата на излегување | 12/2020 | Q1 2021 | Q4 2018 | март 2018 | ||
Она што може да се забележи е дека во оваа генерација недостасуваат картичките со „имиња“. Сега тоа е случај со Quadro и Tesla, а претходно не видовме Titan картичка.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
