Самсунг повторно најави телефон од „Fold“-серијата, но овојпат не станува збор за F телефоните. Овојпат тоа е надградбата на Galaxy Z Flip 4G, кој го носи истото име само што сега наставката е 5G.
Секако овие телефони уште некој период ќе бидат интересни за љубителите на паметни уреди, а со оглед на технологијата која се користи се чини дека во догледно време нема да бидат достапни за сите. Новиот Galaxy Z Flip 5G ќе чини 1450 долари.
Покрај 5G радио, телефонот доаѓа со Snapdragon 865 Plus процесор, кој е мала надградба во однос на процесорот од 4G верзијата. Телефонот доаѓа со 6.7-инчен FHD+ Dynamic AMOLED дисплеј (21.9:9) – Infinity Flex Display 2636 x 1080 и 425ppi; 8GB RAM и 256 GB диск и батерија со капацитет 3,300 mAh. Оперативниот систем e Android 10, а остатокот од спецификациите се достапни на страницата на Samsung.
Ова е еден од двата модели на Samsung со флексибилен екран. За разлика од попопуларниот и значително поскап Galaxy Fold 2, овој уред се превиткува по подолгата страна и помалку потсетува на старите флип телефони.
Телефонот е еден од најдобрите телефони со флексибилен екран, но како што пишува Verge ова е мала група полна со разочарувања. Испораката не телефоните започнува на 7 август, два дена по официјалното претставување на вториот претставник на Galaxy Fold серијата.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
