HP претстави се-во-едно PC-ja со Windows 8, NFC чипови и eкрани на допир

HP Spectre One, HP Envy 23, HP envy 20 TouchSmart и HP Pavilion 20 се новите Windows 8се-во-едно компјутери кои ќе се појават на есен, а кои ќе имаат NFC технологија и екрани на допир.

Најскапиот SpectreOne ќе се појави во ноември, еден месец подоцна од другите, и ќе чини 1.300 долари. Дваесет и три инчниот Spectre One ќе има Intel Ivy Bridge процесор, 1 GB Nvidia графичка, 8 GB RAM, два USB 2.0 портови, два USB 3.0 портови, HDMI џек и Gigabit етернет порт за поддршка на 892.11n WiFi мрежа. Иако најскап, сепак Spectre One ќе нема екран на допир, туку тачпад со кој ќе можат да се прават и движењата со повеќе прсти кои се поддржани во Windows 8.

Spectre One ќе има и NFC чип преку кој само со приближување на телефонот ќе може да се пренесуваат податоци и да се стрима музика или видео. Двата NFC тагови кои ги дава HP со компјутерот може да се закачат на било кој објект и да се испрограмираат компјутерот да прави одредени функции кога се тие во контакт, пример да споделува фотогорафии.

HP Envy 23 и Envy 20 Тouchsmart се со сличен дизајн како Spectre One, но имаат 20, односно 23-инчи екрани на допир, кои се малку пошироки, со HD резолуција од 1920 x 1080. Ницната цена се движи од 800 долари за Envy 23, односно 1.000 долари за Envy 23 Touchsmart. И двата компјутери ќе имаат Intel Ivy Bridge процесор и до 3 терабајти простори.

HP Pavilon 20 нема екран на допир, но има 2 терабајти простор и за 500 долари корисникот ќе може да си одбере дали да работи на Intel-ов или AMD процесор. Овој PC ќе биде достапен во октомври.