Контролирајте друг компјутер со Chrome Remote Desktop Beta

Google објави нова екстензија за Chrome која ќе им овозможи на корисниците од далеку да контролираат други компјутери. Станува збор за екстензијата Chrome Remote Desktop Beta, која им овозможува на корисниците својот Chrome прелистувач да го претворат во далечински управувач, и со него да контролираат друг компјутер. За да може Chrome Remote Desktop да функционира, потребно е двата компјутера да имаат Chrome прелистувач, без разлика дали се Windows, Mac, или Linux.

Откако ќе ја инсталирате екстензијата и ќе ја вклучите, за да добиете пристап ќе ви биде побаран вашиот Gmail профил. Откако ќе добиете пристап, можете да го споделувате вашиот десктоп. Се’ што треба да сторите за ова е да кликнете на Share This Computer. Кога ќе го започнете процесот на споделување, ќе добиете код од 12 бројки кој ќе важи во следните неколку минути.

На другиот компјутер, упатете се кај опцијата „access a shared computer“ и вметнете го дадениот код. Ова ќе ги поврзе двата компјутера, и на вашиот Chrome прелистувач ќе ви се појави десктопот од другиот компјутер. Можеби апликацијата т.е. контролата врз другиот десктоп ќе биде спора, зависи од конекцијата, но сепак е интересна опција да се има за секој случај.