Обожавам кога независните музичари ги користат можностите што ги нуди модерната технологија за промовирање на својата музика. До сега имам напишано за ваков вид на креативна промоција, за виралниот модел на промовирање на Kaiser Chiefs и за интерактивниот проект на Danger Mouse.
Овојпат пишувам за британскиот бенд The Vaccines кој го следи овој тренд на користење на виралниот ефект на мрежите. The Vaccines подготвуваат нов спот за песната Wetsuit кој ќе го креираат од фотографии сликани со апликацијата за iPhone, Instagram. The Vaccines побарале од своите фанови да тагнуваат фотографии што ги сликале на фестивали со тагот #vaccinevideo. Благодарение на лесното споделување на фотогорафии кое го нуди Instagram, фановите сè што треба да направат е да сликнат и да ги тагнат своите фотогорафии, или пак да ги филтрираат и тагнат фотографиите кои веќе ги имаат во својот iPhone.
Сите фотогорафии се собираат преку API-то на Instagram и се складираат во онлајн галерија која ги прикажува сите испратени фотографии. Фотографиите за овој видео проект можете да ги најдете на следниот веб сајт, а во прилог погледнете го видеото во кое е претставен концептот за овој проект.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
нп. го следам неколку години, па затоа пишав :)
Јас се извинувам за грешката, бидејќи типот стално е со други фаци, и неговиот албум Rome e колаборација со други музичари, се' мислев дека и ова е група, не знаев дека он самиот е Danger Mouse.
процедурално, Danger Mouse не е група, ами музичар и продуцент. Gnarls Barkley и Broken Bells се дел од неговите групи-проекти :)