Кинеското вселенско летало Chang’e-4 успешно слета на темната страна на месечината. Леталото робот слета на Jужниот пол – Ејткен басен.
Сондата е опремена со инструменти кои ќе овозможат анализа на геологијата на регионот, и биолошки експерименти. Лендерот е опремен и со ниско фреквентен радио-спектрометар специјално дизајниран за подалечната страна на месечината. Дополнително, дел од товарот е и роверот Yutu II. Yutu II е опремен и со панорамска камера која може да креира тридимензионални слики, пренесува NASA.
https://youtu.be/6SJwpcnw404
Ова е првпат во истражувањето на вселената Кина да направи нешто што претходно не е направено, вели астрономот Ји Кванжи од Калтек за BBC, мислејќи притоа на успешно слетување на подалечната страна на Месечината.
Сондата ќе го истражува во кратерот „Von Kármán“ креиран од огромен удар во раната историја на Месечината. Кратерот со длабочина од 13 километри и ширина од 186 километри е еден од најголемите во сончевиот систем и најголем на Месечината.
