Илјадници модели на 3д пиштол се преземени откако шаблоните се објавени онлајн. Ова се случи откако судот во Тексас донесе одлука дека споделување на 3Д модели на пиштоли не е исто како и неовластено продавање на оружје.
Одлуката на судот е донесена откако Коди Вилсон успеа да убеди доволно луѓе во Одделот за правда дека станува збор за слобода на говор. Всушност одбраната на г. Вилсон беше дека со претходната одлука не само што му е нарушено уставното право за носење на огнено оружје, туку и правото за слободно споделување на информации.
Поради ова судот му дозволи да го врати сајтот и да продолжи да споделува CAD фајлови. Одлуката започнува да важи од среда, денес, но 9 различни модели на оружје се слободни за преземање веќе неколку дена.
Веќе од почетокот на оваа недела неколку федерални држави во САД побараа забрана на судската одлука. Сепак и да биде усвоена оваа одлука, CAD моделите на пиштоли веќе се преземени илјадници пати, јави BBC.
I am looking into 3-D Plastic Guns being sold to the public. Already spoke to NRA, doesn’t seem to make much sense!
— Donald J. Trump (@realDonaldTrump) July 31, 2018
Сепак адвокатот Боб Фергусон најави тужба против Стејт департментот во име на 8 сојузни држави. Во понеделник јавни обвинители од 20 сојузни држави најавија тужби против Стејт департментот и Defense Distributed (сајтот на Коди Вилсон).
