Се чини дека можноста за испраќање текст пораки станува задолжителен додаток во се повеќе апликации. Мобилната апликација на YouTube е последнатa која ја додаде оваа функционалност.
Корисниците ќе можат да ги споделуваат и видеата со своите контакти на телефонот директно од апликацијата. Апликацијата овозможува и групни разговори до 30 корисници и можност за реакции во пораките.
https://youtu.be/feBF_IY-HI8
Новата функционалност доаѓа во „Sharing“ делот, а во тест фаза е подолг период. Дел од промените кои се направени во тест периодот се фиксирање на самото видео најгоре на екранот, а и промени во визуелниот дел, јави Venturebeat.
Промените во апликацијата се достапни, глобално за сите корисници. Со оглед на тоа дека ова е една од апликациите со кои доаѓаат најголем дел од Android телефоните, надградбата најверојатно ќе се одвива етапно.
