Интернет корисниците од Британија наскоро ќе мора да поминат низ многу поригорозна контрола за да пристапат до порнографска содржина. Од април следната година, сајтовите ќе мора да обезбедат мерки кои ќе осигураат дека корисникот има 18 години, јавува BBC.
Мерката не е за да им се отежни пристапот на возрасните, туку за да се направи интернетот побезбеден за децата. Едно од можните решенија е задолжително внесување на податоци од платежни картички. Ова за обезбедување на верификација на годните го прават и онлајн коцкарниците бидјеќи платежните картичките им се достапни единствено на корисници постари од 18 години.
„Ова значи дека иако продолжуваме да ја уживаме потполната слобода на интернет, Британија ќе има еден од најробусните закони за заштита на децата на интерент“, вели Мет Ханкок, министер за дигитално општество.
Онлајн порнографијата ја гледаат дури 65 отсто од децата од 15 до 16 години и 48 отсто од децата помеѓу 11 и 16 години, пренесе Guardian. Дури 19 отсто од децата случајно пристапиле до порнографски содржини, а 28 отсто барале порнографија на интернет. Според експертите прераниот пристап до порнографија може да им наштети на развојот на децата.
